Gau Zuria 

Bilboko hiribilduaren fundazioa (1300eko ekainaren 15a) ospatzeko, Bilboko Udalak urtero, zuzeneko eta gaueko ikuskizun programa zabal bat antolatzen du. Musika, argi eta soinu, arte eszeniko eta literaturaz osatuta. 

Ostiralean, hilak 14, eta larunbatean, hilak 15, Gau Zuria ekimenarekin bat egingo du museoak, eta gauez irekiko ditu ateak, arteaz gozatzeko. Oraingo honetan, Musbika Ensembleren perkusio-instrumentu melodikoak Bach, Reich, Alice Gómez eta beste konpositore batzuen konposizioetan barneratuko dira, eta, gainera, museoaren akustika eta estetikarekin bat egingo dute, soinu eta ikusizko esperientzia oso berezia sortuz.